Taiki

Қазақстан бизнесіне арналған

TAIKI-де сатыңыз: витрина, тапсырыстар мен жеткізу — бір кабинетте

Taiki — Қазақстандағы тәуелсіз сатушылардың маркетплейсі. Сіз дүкен ашып, тауарларыңызды қосасыз; сатып алушылар оларды атауы немесе суреті бойынша тауып, картамен төлейді немесе бөліп төлейді.

Кіру

Телефон нөміріңізді енгізіңіз

+7

+7 мен бос орынсыз

  • Дүкеннің сайтта өз мекенжайы болады, оның атауын өзіңіз таңдайсыз
  • CDEK және QazPost жеткізуінің бағасын сатып алушы төлемге дейін көреді
  • Жазылым төлемі жоқ: өзіңіз қосатын AI құралдары үшін ғана төлейсіз
  • Кабинет қазақ және орыс тілдерінде, телефонда да ыңғайлы

Сіз не аласыз

Дүкен ашып, тапсырыс қабылдау үшін қажеттінің бәрі сатушы кабинетінде.

Дүкен витринасы

Атауыңыз бен мекенжайыңыз бар бет: тауарлар, сатып алушылардың пікірлері, жеткізу және 14 күн ішінде қайтару туралы мәлімет.

Сатып алушылар сізді табады

Сатып алушылар тауарларды атауы немесе суреті бойынша іздейді, таңдаулыларға сақтайды және тауар бетінен бірден сатып алады.

Тапсырыстар қадам-қадаммен

Әр төленген тапсырыс кабинетте хабарландырумен бірден көрінеді. Тапсырыстар кезеңдер бойынша бөлінген: жөнелту керек, жолда, жеткізілді, төлем күтілуде.

CDEK және QazPost жеткізуі

Баға сатып алушының мекенжайы бойынша есептеліп, төлемге дейін көрсетіледі. Жүкқұжатты кабинеттен басып шығаруға болады, ал сәлемдеменің күйін Taiki тасымалдаушыдан өзі алып отырады. Өзіңіз де жеткізе аласыз: тапсырысты алғанын сатып алушының коды растайды.

Карта және бөліп төлеу арқылы төлем

Сатып алушы картамен төлейді, ал сәйкес келетін тапсырысты банктер арқылы бөліп төлеуге немесе несиеге рәсімдей алады. Шешімді банк қабылдайды, ал тапсырыстың қалай төленгені кабинетте көрінеді.

Телефондағы кабинет

Тауарлар, тапсырыстар, қоймалар, жеңілдіктер және хабарландырулар телефон экранына арналған. Компьютер тек тіркелу кезінде ЭЦҚ-пен қол қою үшін қажет.

AI көмекшілері

Тауар карточкаларына көмек

Карточкаларыңызға арналған үш құрал. Жазылым жоқ: кеңестер тегін, ал суретті жақсарту мен аударма кредитпен төленеді.

Кредиттерді кабинетте картамен сатып аласыз; кредиттің бағасы мен жұмсалған кредиттердің тарихы да сонда көрінеді.

  • Карточка бойынша кеңестер

    Тегін

    AI тауардың атауын, сипаттамасын, параметрлерін және суреттерін қарап шығып, нені толықтыру керектігін айтады.

  • Суретті жақсарту

    Сурет үшін 1 кредит

    Тауар суреті бір кредитке өңделеді. Өңдеу сәтсіз болса, кредит қайтарылады.

  • Мәтінді аудару

    Кредитпен

    Атау мен сипаттама қазақ және орыс тілдері арасында аударылады. Нәтижені өзіңіз оқып, түзетесіз: сіз сақтамайынша ештеңе өзгермейді.

Қалай бастау керек

Тіркелуден алғашқы тапсырысқа дейінгі төрт қадам.

  1. 1

    Тіркелу

    Аты-жөніңіз бен телефон нөміріңізді көрсетіп, растау кодын енгізіңіз.

  2. 2

    Дүкеннің атауы мен мекенжайы

    Дүкеннің атауы мен taiki.kz сайтындағы мекенжайын таңдаңыз: жүйе оның бос екенін бірден көрсетеді.

  3. 3

    ЭЦҚ-пен қол қою

    ЖК немесе ЖШС бизнес-кілтімен компьютерде NCALayer арқылы қол қойыңыз. Кілт өзіңізде қалады, тек қолтаңба жіберіледі, ал ЖСН мен БСН сертификаттан алынады.

  4. 4

    Қойма және тауарлар

    Кабинетте сәлемдемені тасымалдаушыға тапсыратын қойманы көрсетіп, тауар қосыңыз. Жарияланбас бұрын тауарды Taiki модераторы тексереді.

Сізге не қажет болады

  • Жеке кәсіпкердің немесе ЖШС-нің бизнес ЭЦҚ кілті. Жеке тұлғаның кілті жарамайды.
  • NCALayer орнатылған компьютер (Windows, macOS немесе Linux): ол тек тіркелу кезінде қол қою үшін қажет.
  • Растау коды келетін телефон нөмірі.

Жиі қойылатын сұрақтар

Жазылым керек пе?

Жоқ. Тек өзіңіз қосатын AI құралдары ақылы: суретті жақсарту мен мәтінді аудару. Олар кредитпен төленеді, қалдық пен тарих кабинетте көрінеді.

Кім тіркеле алады?

Бизнес ЭЦҚ кілті бар Қазақстанның жеке кәсіпкерлері мен ЖШС-лері. Бір аккаунт бірнеше компанияны басқара алады: әрқайсысының өз дүкені болады.

Телефоннан жұмыс істеуге бола ма?

Иә, кабинет телефонға арналған: тауарлар, тапсырыстар, хабарландырулар. Ерекшелік — тіркелу кезінде ЭЦҚ-пен қол қою: NCALayer компьютерде жұмыс істейді.

Сәлемдеме сатып алушыға қалай жетеді?

Сатып алушы тапсырыс бергенде жеткізуді таңдайды, CDEK немесе QazPost бағасын ол төлемге дейін көреді. Сіз сәлемдемені CDEK офисіне немесе пошта бөлімшесіне тапсырасыз: курьер оған келмейді. Өзіңіз жеткізсеңіз, тапсырысты алғанын сатып алушының коды растайды.

Сатып алушылар қалай төлейді?

Картамен, ал сәйкес келетін тапсырысты банктер арқылы бөліп төлеуге немесе несиеге рәсімдеуге болады. Бөліп төлеу туралы шешімді банк қабылдайды. Тапсырыстың қалай төленгені тапсырыс бетінде көрсетіледі.

Тауарларды кім тексереді?

Витринада көрінбес бұрын тауарды Taiki модераторы тексереді. Түзету қажет болса, тауар себебімен бірге өзіңізге қайтарылады.

Дүкен ашуға дайынсыз ба?

Аты-жөніңізден, телефон нөміріңізден және растау кодынан бастаңыз.

Тіркелу Кабинетім бар — кіру